Струмица, 24 јуни 2020 (МИА) – Струмичанец на возраст од 47 години е новиот случај на заразен од коронавирусот, информираа денес од Центарот за јавно здравје во Струмица.
– Тој се наоѓа во државен карантин, односно не е во Струмица и се работи за асимптоматски случај, изјави за МИА директорот на струмичкиот Центар за јавно здравје, Петре Витанов.
Досега во Струмица се регистрирани вкупно 13 позитивни случаи, од кои 9 се активни, три лица се оздравени, а едно почина.рт/ир
