Тетово, 12 јуни 2020 (МИА) – Универзитетот на Југоисточна Европа (УЈИЕ) соопшти дека е донирано возило на Организацијата на Црвениот крст на Македонија во Скопје. Станува збор за возило кое досега се користело во рамките на Проектот на УСАИД и Mеѓународната фондација на Лајонс Клубовите (ЛЦИФ) за деца со оштетување на видот.
-Црвениот крст е локален партнер на проектот, кој ќе продолжи со активностите за завршување на проектот. Универзитетот на Југоисточна Европа целата опрема што се користи досега во рамките на проектот планира да ја донира до институциите што служат на заедницата, како што се училиштата, клиниките и слично, Универзитетот на Југоисточна Европа продолжува да гради успешно партнерство со УСАИД, со истражување на други можности за соработка во спроведување на многу проекти, како што правевме во минатото и ќе продолжиме и во иднина, информираат од УЈИЕ.
Станува збор за возило Џип Компас 2.2 ЦДР Спорт 4X2. ас/аа/
