Тетово, 2 јуни 2020 (МИА) – Активисти и волонтери од општинската организација на Црвениот крст Тетово преку социјалните мрежи, интернет портали и други платформи ќе го поттикнуваат и мотивираат населението за дарување крв.
– Во овие тешки времиња кога сите се соочуваме со невидлив непријател, во неможност да организираме крводарителскии акции на традиционален начин ги повикуваме сите граѓани да ја покажат својата хуманост со дарување крв. Поради актуелната опасност од ширење на коронавирусот, како и имајќи го предвид зачувувањето на здравјето на населението и нивна заштита, крводарување ќе се организира само во просториите на Службата за трансфузиона медицина во Тетово, потенцираат од тетовската организација на Црвениот крст.
Изминатата недела 28 лица доброволно се пријавиле во Службата и дарувале крв. ас/мс/
