Делчево, 28 мај 2020 (МИА) – Со почитување на препораките на Министерството за здравство, делчевските угостители започнаа со работа по укинувањето на полицискиот час. Тие велат дека засега дејноста ќе ја извршуваат во летните бавчи, каде согласно препораките за заштита од КОВИД-19 ќе се регулира престојот на гостите.
-Засега поради обилниот дожд имаме мал број посетители, но и оние кои решија да ги посетат локалите се придржуваат до мерките. На секоја маса имаме дезинфециенси, додека вработените исто така се придржуваат до препораките, велат угостителите.
Граѓаните кои решија да ги посетат локалите, изразија задоволство од почитувањето на препораките од страна на вработените во локалите.
-Убаво е после три месеци да се почувствува како се седи на кафе во кафе-бар. Задоволни сме што се е како што треба дистанцата се почитува, по двајца на маса пијат кафе, така што ќе видиме како ќе се одвиваат работите понатаму, истакнаа дел од гостите во делчевските локали.
Освен во кафе-баровите видно беше присуството на граѓани и во помалите кафеани и гостилници. На скара и чаша пиво најзабележителни беа пензионерите кои честеа за предвреме земената пензија. вс/сст/
