Министерството за внатрешни работи ги информира граѓаните кои живеат на територијата на Град Скопје дека согласно зголеменото аплицирање за лични документи, а имајќи ги предвид и годишните одмори, воведува ново работно време во седиштето на Одделението за управни работи во Скопје како и во неколку дисперзирани канцеларии на ниво на Град Скопје.
Целта, како што информираат од таму е, да им се овозможи на граѓаните навремен и ефикасен пристап до правото да поднесат барање за издавање на лични документи.
„За таа цел започнувајќи од утре, 28 мај (четврток), секој работен ден од понеделник до петок, работното време во седиштето на Одделението за управни работи Скопје во МТВ како и дисперзираните канцеларии во „Беко“ и во „Ѓорче Петров“ ќе биде со почеток од 07.30 до 20.00 часот, додека во дисперзираните канцеларии за управни работи во „Бутел“ и „Драчево“, работното време од понеделник до петок ќе биде од 10 до 18 часот,“ информираат од МВР.
