Сообраќајната полиција на 2, 3, 4 и 5 февруари спровела засилена контрола за казнување на возењето со брзина поголема од дозволената на автопатот Куманово – Велес и обиколницата околу Скопје.
Како што информираат од МВР, при тоа санкционирани се 257 прекршоци. Пет возила се движеле со брзина од над 70 километри на час над дозволената, а 45 возила со 50 до 70 километри на час над дозволеното.
Од ресорното министерство нагласуваат дека засилените акциски контроли ќе продолжат и во наредните денови.
