Речиси 21 милион луѓе во кинескиот град Ченгду се во карантин поради новата епидемија на коронавирус.
Во Кина сè уште е во сила политиката на нулта Ковид, па властите го потиснуваат ширењето на вирусот со воведување долгорочни карантини и масовни тестирања.
Ченгду, град во југозападна Кина, е последниот град што објави карантин, пишува „Гардијан“. Во официјалното соопштение градските власти соопштија дека жителите мора да останат дома бидејќи „борбата против новиот бран зарази продолжува“.
Ченгду вчера забележа 157 новозаразени, од кои 51 лице не покажале никакви симптоми, соопштија градските власти.
Се повикуваат жителите да не го напуштаат градот.
На секое домаќинство ќе му биде дозволено да испраќа по едно лице дневно да купува продукти и основни потреби под услов тестот да му биде негативен во претходните 24 часа, се вели во известувањето.
Се вели дека сите жители ќе бидат тестирани на вирусот меѓу четврток и недела и властите ги повикаа да не го напуштаат градот, освен ако тоа не е апсолутно неопходно.
„Моментната состојба на контрола на епидемијата е сложена и мрачна. Целта на мерките е да се запре ширењето на епидемијата и да се гарантира здравјето на сите граѓани“, се наведува во соопштението.
