Утрински Весник
Свет

137 мутации на коронавирусот се потврдени во Австрија за една година

137 мутации на коронавирусот се потврдени во Австрија за една година

Од 3 април минатата година до 20 април годинава во Австрија се идентификувани најмалку 137 варијанти на коронавирусот, објави Агенцијата за здравје и безбедност на храната (АГЕС).

Најчестиот вид бил британскиот сој на вирусот.

Од сите секвенцирани варијанти, британскиот вид (Б.1.1.7) е идентификуван во 28,1 проценти од случаите.

Во 9,1 проценти од случаите идентификуван е сојот Б.1.160, мутација што е распространета во цела Европа, но и во Австралија.

Овој вид на вирусот е доминантен во австриската провинција Бургенланд, а заедно со британскиот е идентификуван во сите девет покрани.

Во 6,2 проценти од случаите е утврдена јужноафриканската варијанта Б.1.351, која е доминантна, пред сѐ, во покраината Тирол.

Покрај Тирол, јужноафриканскиот сој е идентификуван уште во Виена, Горна Австрија и во Каринтија.

Исто така, според АГЕС, во Австрија е потврден и бразилскиот сојуз П.1, но само во пет случаи.

Можете да прочитате

Зеленски: Русија синоќа употреби околу 400 дронови и 18 ракети во Украина

Русија конфискувала имот вреден 50 милијарди долари од почетокот на војната во Украинаķ

Орбан: За мир во Украина потребна е средба меѓу Путин и Трамп