Во првата вечер од полицискиот час, кој трае во периодот од 22 до 5 часот наутро, истиот го прекршиле 12 лица, информираат од МВР.
Синоќа дел од раководството на министерството, предводено од министерот Оливер Спасовски направи увид во спроведувањето на забраната за движење во Скопје, Тетово, Куманово, Велес и други градови.
Од МВР информираат и дека во текот на изминатото деноноќие, по однос на мерката за носење заштитна маска како превенција од коронавирусот, регистрирани се 408 прекршоци.
Министерството воедно апелира до граѓаните да ги почитуваат мерките и протоколите донесени од Владата за спречување на ширењето на Ковид-19.
