Кубрат Пулев потврди дека ќе се бори за титулите во тешка категорија против шампионот Ентони Џошуа на 12 декември во Лондон и покрај шпекулациите дека Британецот ќе му „исплати“ за да се откаже мечот за да може да организира дуел со Тајсон Фјури.
„Официјално е: Пулев-Џошуа на 12 декември во Лондон. Договорот е потпишан, нема одење назад, нема одложувања, нема презакажувања. Подобриот нека победи“, напиша Пулев на Фејсбук.
Џошуа требаше да боксува со Пулев на 20 јуни како задолжителен предизвикувач, откако претходно го победи Енди Руиз Јуниор за да ги врати ВБА, ИБФ, ВБО и ИБО титулите во Саудиска Арабија минатиот декември.
Тајсон Фјури пак, вчера потврди дека третиот меч со Дионтеј Вајлдер нема да се случи, и најверојатно ќе боксува исто така во декември, пред првиот од двата меча со Џошуа.
> Џошуа-Пулев на 12 декември во Лондон! <
