По цели 16 години поминати заедно, од кои четири во брак, актерот од „Аквамен“ Џејсон Момоа и ѕвездата на „Козби шоу“ Лиза Бонет решија да се разделат.
Еден од најинтересните холивудски парови ја соопшти разделбата во заедничка изјава споделена на Инстаграм-страницата на Џејсон.
Џејсон и Лиза, кои заедно ја имаат ќерката Лола (14) и синот Накоа-Вулф (13), се венчаа во 2017 година откако беа заедно повеќе од 10 години, а сега објаснуваат дека иако се разделуваат во екот на пандемијата, љубовта меѓу нив продолжува и тие сакаат да дадат пример за своите деца ослободувајќи се еден со друг.
„Сите ние го почувствувавме притисокот и промените на овие трансформациски времиња… Во тек е револуција и нашето семејство не е исклучок… и тоа ги чувстува сеизмичките промени што се случуваат. И така ја споделуваме нашата семејна вест дека се разделуваме,“стои во објавата на социјалната мрежа.
„Ова го споделуваме не затоа што мислиме дека е вредно за вест. Кога веќе сме решиле да тргнеме по свој пат во нашите животи, сакаме да го направиме тоа достоинствено и чесно.“
„Љубовта меѓу нас продолжува. Се ослободуваме еден со друг – за да бидеме она што учиме да бидеме“.
