Европскиот суд донесе одлука дека Ајша Гадафи, ќерка на поранешниот либиски лидер Моамер, не претставува закана за мирот во регионот и може да биде избришана од европската црна листа.
Во одлуката на судот се истакнува дека Ајша Гадафи повеќе години не живее во Либија и не учествувала во политичкиот живот на земјата од поранешна Џамахирија, пренесува агенцијата Анса.
Ајша Гадафи по професија е адвокат, дипломирала на францускиот универзитет Сорбона, а во 2004 година со група адвокати го бранеше поранешниот ирачки претседател Садам Хусеин.
Од 2009 година е амбасадор на добрата волја на Обединетите нации.
Таа е единствената ќерка на поранешниот либиски претседател, а живее во Оман од 2015 година.
