Манчестер, 22 февруари 2020 (МИА) – Тимот на Манчестер Јунајтед е заинтересиран за португалскиот напаѓач Диего Жота од Вулверхемптон.
Португалецот има регистрирано 12 гола и 5 асистенции оваа сезона, вклучително и „хет-трик“ против Еспањол во 1/16-финалето на Лига Европа. Стрелецот има договор до 2022 година со тимот од „Молину“, откако пристигна од составот од Атлетико Мадрид во летото 2018 година.
Според италијанските медиуми, сепак „црвените ѓаволи“ ќе се обидат да го привлечат играчот наредното лето во обид да ја зајакнат својата офанзивна моќ. Интересот доаѓа и покрај просечните настапи на Жота оваа сезона во Премиер лигата, каде тој на 22 одиграни натпревари забележа само 3 голови.
