Никола Јокиќ и Лука Дончиќ блескаа во новите победи на Денвер Нагетс и Далас Маверикс. Во директните дуели со екипите од врвот на Западната конференција, Јокиќ забележа трипл-дабл, а Дончиќ дабл-дабл.
Денвер го победија Голден Стејт со 131:124. Јокиќ блескаше со 18.трипл-дабл во сезоната. Актуелниот МВП забележа 32 поени, 15 скокови и 13 асистенции за 34 минути на теренот. Ова е втор трипл дабл за Јокиќ за помалку од 24 часа.
Вориорс во отсуство на Стеф Кари, Дрејмонд Грин и Клеј Томпсон ги предводеше Џордан Пул со 32 поени, два помалку постигна Мосе Муни.
Далас славеа над Јута 111:103. Дончиќ натпреварот го заврши со 35 поени, 16 скока и седум асистенции. Кај Јута се истакна Бојан Богдановиќ со 21 поен.
Резултати:
Детроит-Атланта 113:110
Филаделфија-Чикаго 121:106
Мајами-Хјустон 123:106
Минесота-Портланд 124:81
Сан Антонио-ЛА Лејкерс 117:110
Сакраменто-Њујорк 115:131
> Јокиќ со трипл-дабл ги скрши Голден стејт, Дончиќ со 35 поени ја реши Јута <
