Штип, 7 април 2020 (МИА) – Во услови кога државата се соочува со справување со пандемијата, од штипската групација „Езимит“ соопштија дека донираат шест милиони денари во државниот буџет.
–Групацијата Езимит, како општествено- одговорна компанија земајќи ја предвид моменталната ситуација во Македонија, донесе одлука предвреме да ги исплати средствата по основа на данок на добивка за 2020 и 2021 во износ од шест милиони денари се вели во соопштението од групацијата „Езимит“.
Менаџерскиот тим наведува дека групацијата ќе се откаже од мерките за помош на стопанството на Владата. Езимит групацијата ќе ги задржи сите вработени без да им се намалат платите.вдј/скс/
