По обезбедување дарежлив удел во европските фондови за закрепнување од коронската криза, Шпанија се соочува со неверојатен проблем, а тоа е како да се искористат сите тие пари, рекле владини извори за Ројтерс.
„ Ова не е криза на пари, туку криза на идеи“, рекол еден од изворите.
Земја која од 2016 година не успеала да донесе годишен буџет поради продолжена политичка парализа, потребата за ненадејно повлекување дополнителни пари е предизвик, велат изворите.
Шпанија е погодена исклучително силно од пандемијата. Ковид-19 погоди повеќе од 640 000 луѓе, претежно меѓу западноевропските земји и уби повеќе од 30 000 луѓе. Економијата падна за 18,5 проценти во вториот квартал.
За да се опорави, на Шпанија и` беа дадени околу 140 милијарди евра неповратни грантови од пакетот за обновување на Европската унија, во вкупна вредност од 750 милијарди евра. Тоа вклучува 43 милијарди евра грантови само во следните две години – околу осум проценти од годишното трошење.
„ Да се потрошат тие пари не е лесно“, рече друг извор од владата.
Четири извори запознати со управувањето со фондовите изјавија дека постои загриженост и нервоза за тоа како да се постави систем за преземање на толку многу ликвидност.
Друг извор со директен увид во управувањето со средствата рече дека главните проекти за примање средства се веќе предвидени и дека Шпанија сигурно ќе се придржува до роковите и барањата наметнати од Брисел.
Европската комисија им препорача на европските влади парите да ги трошат на зелена енергија, транспорт и инвестиции во дигитализацијата.
Шпанскиот премиер Педро Санчез, кој на самитите на ЕУ во јули се бореше за одобрување на фондот за закрепнување, ја стави својата канцеларија во позиција за надѕор на спроведувањето на планот за закрепнување, а би требало да биде формирана и советничка група на корпоративни директори, објаснил друг извор.
