За време на телефонскиот разговор, германскиот канцелар Олаф Шолц го повика рускиот претседател Владимир Путин да се согласи за прекин на огнот во Украина што е можно поскоро, изјави денеска портпаролот на германската влада.
„ Прекинот на огнот е неопходен со цел да се подобри хуманитарната ситуација во Украина и да се овозможи напредок во изнаоѓање дипломатско решение за конфликтот“, изјави портпаролот, пренесе „Ројтерс“.
Путин го предупредил Шолц за „тешките прекршувања на човековите права насочени од украински милитанти со нацистичка идеологија“ и додаде дека Киев „практично ги блокирал“ преговорите со Русија, според Кремљ.
За време на разговорот, кој траеше 75 минути, Шолц го потсети Путин на одговорноста на Русија за глобалната ситуација со храната, додаде портпаролот.