Утрински Весник
Свет

Шефот на ЦИА: Русија не подготвува нуклеарен напад

Шефот на американската Централна разузнавачка агенција (ЦИА) изјавил дека засега нема докази дека Русите планираат да распоредат или употребат тактичко нуклеарно оружје во Украина, пренесуваат медиумите во регионот.

По инвазијата на Украина, која започна на 24 февруари, Русија објави дека го ставила својот нуклеарен арсенал во состојба на висока готовност, пишува Би-Би-Си.

„Со оглед на тоа каков вид на оружје штракаат, се разбира дека нема да ја прифатиме лесно оваа можност. Ние внимателно ќе ја следиме ситуацијата, особено во време кога влоговите за Русија се многу високи“, изјавил Вилијам Барнс на конференцијата организирана од „Фајненшл Тајмс“.

Според него, рускиот претседател Владимир Путин е убеден дека уште посилни напади врз Украина ќе ги подобрат неговите шанси во војната.

Коментирајќи го однесувањето на рускиот претседател Владимир Путин Барнс изјавил: „Тој е во состојба на умот каде што не верува дека може да си дозволи пораз“.

„Мислам дека моментално е убеден дека уште посилни напади ќе му донесат напредок во Украина“, изјавил директорот на ЦИА.

Можете да прочитате

Борците на ПКК почнаа со церемонијално предавање на оружјето во Ирак

Лавров: Русија ја повтори својата позиција за Украина во разговорот со Рубио

САД подготвуваат предлог-закон за санкции од 500 отсто за земји што купуваат руска енергија