Коронавирусот влезе во таборот на српската ракометна репрезентација. Двајца играчи и целиот стручен штаб биле позитивни на вирусот. Српските ракометари се подготвуваат за настап на Европското првенство во Словачка и Унгарија.
Позитивни тестови, во вторникот добиле, голманот Владимир Цупара, десното крило Богдан Радивијевиќ, селекторот Тони Џерона, тренерот на голманите Димитрије Пејановиќ, физиотарапевтот Петар Радуловиќ и шефот на делегацијата Милорад Кривокапиќ.
Заразените имале благи симптоми, се чувствувале добро. Сите се во изолација.
Поради ова Србија ги откажа контролните натпревари со Германија на 7. и 9.јануари.
Србија на ЕП се наоѓа во група со Франција, Украина и Хрватска.
> Шестмина заразени во ракометната репрезентација на Србија <
