Тетово, 20 февруари 2020 (МИА) – Општинската организација на Црвениот крст во Тетово и Центар за Трансфузиона Медицина од Тетово организираа крводарителска акција во касарната на АРМ во градот „Кузман Јосифоски Питу“. Крв имаа можност да даруваат вработените и припадници на АРМ.
-Вкупно 60 единици крв се собрани од вработените и припадници на Армијата на Република Северна Македонија. Задоволни сме од одѕивот, акцијата беше еднодневна и траеше од 9 до 14 часот, информира Шклќим Мурати, секретар на тетовскиот Црвен крст.
Следната акција на Црвениот крст и Центарот за трансфузиона медицина е планирана за во месец март во средното стручното училиште „Моша Пијаде“ Тетово. ас/ев/