Шведска нема да дозволи влез на странски државјани од Велика Британија и од Данска поради појавата на новиот мутиран вид коронавирус во тие земји. Ова е првпат од почетокот на пандемијата Шведска да ги затвори своите граници.
Повеќе од 40 земји досега забранија влез на британски граѓани.
„Со цел да се намали ризикот од ширење на овој вирус во Шведска, Владата донесе одлука денес да забрани влез на патници од Велика Британија и од Данска“, рече министерот за внатрешни работи, Микаел Дамберг.
Забраната стапува на сила на полноќ. Покрај тоа, Шведска ќе ги прекине сите летови од Велика Британија на 48 часа.
