Швајцарија денеска ќе започне со ублажување на мерките, откако се намали загриженоста дека зголемувањето на бројот на пациенти заразени со високо заразниот сој омикрон може да доведе до сузбивање на здравствениот систем.
Правилата за карантин и работните налози од дома ќе завршат утре. Владата размислува за дополнително ублажување на мерките преку консултации со локалните власти, објави „Ројтерс“.
„ Владата забележа позитивен тренд во болниците и покрај рекордните бројки на дневна основа, болниците не се пренатрупани, а има повеќе болнички кревети во единиците за интензивна нега“, соопшти владата.
Како причина за вакво нешто, владата наведува дека веројатно се работи за тоа што мнозинството од населението има имунитет, делумно поради вакцинација или прележување на болеста.
„ Има се повеќе знаци дека акутната криза наскоро ќе заврши и дека ендемската фаза може да започне“, соопшти швајцарската влада.
