Скопје, 17 март 2020 (МИА) – Министерот за внатрешни работи Наќе Чулев оценува дека безбедносниот ризик од мигрантите постои и апелира до државите кои имаат свои припадници на нашата јужна граница да не ги повлекуваат.
-Безбедносниот ризик од мигрнтите стои и понатаму. На јужната граница имаме 130 припадници на други држави, од кои 10 повлече Србија и сега остануваат 120. Апелирам до сите држави да не ги повлекуваат полицајците кои патролираат на јужната граница, изјави Чулев одговорајќи на новинарско прашање.
Тој соопшти дека Србија ги повлекла полицајците и од пунктовите каде имаме заедничка контрола на границата.
Во одговор на новинарско прашање во врска со враќање на лицата од крузер, а кое е организирано преку Србија, рече дека станува збор за седум лица од кои едно лице е задржано во Белград, а од шесте лица двајца се албански државјани и се упатени кон Албанија, а четворица наши државјани и се задржани на Инфективната клиника.
Апелираше до нашите граѓани во странство воопшто да не се обидуваат да доаѓаат во земјава бидејќи, како што рече, може да бидат заглавени на граничните премини и да придонесат за ширење на заразата.
-Апелирам да останат таму каде што се, рече Чулев.
Информираше дека во периодот од 16 март во 12 часот до денеска во државата се влезени 2.019 лице, а излегле 11.331 лице. скс/ац/
