Нион, 20 април 2020 (МИА) – Плановите за продолжување на сезоната во Лигата на шампионите и Лигата на Европа веќе се појавија во медиумите, со специфични датуми за натпреварите.
Идејата е овие натпревари да се одржат во август, откако претходно ќе завршат националните првенства.
Сепак, според претседателот на Европската фудбалска централа (УЕФА), Александар Чеферин, постои друга опција.
– Се зависи од тоа кога ќе продолжат националните првенства. Ако тоа се случи доволно брзо, тогаш е можно средбите од ЛШ и ЛЕ да се играат паралелно, објасни Словенецот во интервју за „Кориере дела Сера“.
