Етиопските милиции извршија упад во судански регион долж границата на земјите, оставајќи ад себе мртов бригаден генерал, пренесува „Мидл ист монитор“. Висок претставник на источната суданска гранична провинција Ал-Кадариф изјави за РТ дека суданската армија почнала напад и жестоки битки долж границата со Етиопија, во кои загинаа тројца судански војници.
Изворите нагласиле дека суданската армија има вратено голем број судански области кои беа окупирани од етиопските земјоделци во последните денови. Судан распореди повеќе од 6.000 војници на границата на почетокот на борбите во етиопискиот регион Тиграј, поради кој минатиот месец се отвори конфликт меѓу сојузната влада и регионалните власти.
Премиерот на Етиопија, Абиј Ахмед, прогласи победа во борбата. Сепак, судирите меѓу федералните и регионалните сили продолжија. Борбите во Тиграј доведоа повеќе од 52.000 бегалци од Етиопија во Судан, претежно во Ал-Кадариф.
