Цените на горивата ќе се намалат, ама откако измените на законските решенија ќе се изгласаат во Собранието од страна на пратениците. Дотогаш, останува на Регулаторна дали ќе ја прифати препораката за на дневно ниво да се утврдуваат цени на горивата. Доколку Собранието ги прифати овие измени, тогаш, дизелот ќе чини 75 денари односно 10 денари помалку, а бензинот ќе се намали за 11 денари.
„ Измени на законот за акциза и законот за ДДВ ќе бидат испратени до Собранието. Сите пратеници имаат одговорност пред сите граѓани на оваа држава. Се наоѓаме во најголемата економска криза. Најголемите извозници на гас и метал се во војна. Одговорноста на сите партии е да го поддржат овој пакет мерки кој чини 400 милиони евра“, кажа Ковачевски.
Новите цени на горивата, кои се пониски од постојните доаѓа со намалување на ДДВ-то од 18 проценти на 5 проценти, како и со намалување на акцизата.
