Министерката за образование и наука Мила Царовска, одговарајќи на прашање на пратеникот Бојан Стојаноски од ВМРО-ДПМНЕ, дали има план и концепт за реформите во образованието, истакна дека МОН и владата продолжуваат интензивно да работат на сите реформски процеси со точно утврдени рокови и порача дека опозицијата наместо да дава конструктивни предлози ги манипулира наставниците, родителите и учениците и ги блокира процесите во Собранието.
„Денеска ја отворив вашата предизборна програма и во делот на образованието замислете вие ветувате дигитализација, платформа за е -учење, подготовка на видео материјали од наставници и подготовка на дигитални учебници. Сето тоа за коешто ние денеска зборуваме. Да бевте конструктивна опозиција ќе се вклучите во овој процес и ќе работевте на подобрување и осовременување на образованието. Но вие се обидовте да манипулирате со родители, наставниците и најтрагично со децата”, рече Царовска.
Министерката истакна дека 12 години ВМРО -ДПМНЕ имало можност да направи образование како во развиените земји, но, како што кажа, парите биле потрошен на „глупости и на лични интереси“.
„Од ова се обидуваме и денес да се отплеткаме, од ексклузивни права за учебници коишто се екстремно неквалитетни, наставни програми кои ги плативте 3 милиони евра”, рече Царовска.
