Росоман, 12 март 2020 (МИА) – Хуманитарен клуб е формиран во општина Росоман, во рамки на проектот „Помалку гладни, повеќе среќни”, што го реализираат волонтери од регионалното еколошко друштво „Еко-живот“.
Претседателот на „Еко-живот” Роберт Паризов, информира дека ги прошириле проектвните активности на Банка за храна Кавадарци и националната Банка за храна, во општина Росоман.
– На промоцијата на проектните активности вчера присуствуваа претставници на општината, градоначалникот Бранко Јанев, институциите и бизнис секторот и се формираше хуманитарен клуб, кој заедно со „Еко-живот” и општината ќе работи на неколку проблеми во Росоман. Се мисли на борбата против гладта и сиромаштијата и нефрлањето на храна, информираше денеска Паризов.
Оваа активност е спроведена во склоп на проектот ВСС Ефект, финансиран од Европската Унија.
– „Еко-живот“ се залага на сите свои активности да има претставници од надлежните општини како и од Меѓуопштинскиот центар за труд и социјална работа, со кој веќе имаме одлична соработка, нагласи Паризов.
Тој додаде дека општина Росоман ќе додели просторија за хуманитарниот клуб. свд/аа/
