Скопје, 22 јуни 2020
Хуманитарната акција на компанијата ХТЛ Македонија, членка на Групацијата НОВОМАТИК во Македонија е на самиот крај.
ХТЛ Македонија донираше дезинфикциони средства во износ од 20.000,00 евра во ЈЗУ ГОБ 8ми Септември во Скопје, во која веќе беа донирани и болнички кревети во истиот износ или вкупно, оваа компанија донираше 40.000,00 евра во соодветна медицинска опрема.
Оваа акција беше спроведена за дел од здравствените институции во кои се лечат заразените од вирусот КОВИД-19, со цел полесно надминување на предизвиците наметнати од оваа наша нова реалност.
Пандемијата која се заканува на нашето здравје можеби ќе трае и подолго, но ова општество треба да извлече една поука а тоа е дека сами како единка не можеме да постигнеме многу, но заедно, сплотени, грижејќи се и помагајќи онаму каде што е потребно ќе не направи посилни и победници од борбата против невидливиот непријател.
ХТЛ Македонија ГРУПАЦИЈА НОВОМАТИК ВО МАКЕДОНИЈА
___________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
