Утрински Весник
Свет

Хорор во Салвадор: Во двор на поранешен полицаец закопани околу 40 тела

Хорор во Салвадор: Во двор на поранешен полицаец закопани околу 40 тела
Dik 300x250 mk

Најмалку 24 тела претежно на жени се пронајдени во дворот од куќата на поранешен детектив во Салвадор, кој беше уапсен за убиство на две жени, мајка и ќерка.

Властите во Салвадор започнаа со ископување на тајни гробишта, а се претпоставува дека таму се закопани околу 40 тела.

Ексхумацијата на телата може да продолжи и следниот месец, објавија локалните власти.

Потрагата започна кога поранешниот полицаец Хуго Ернесто Осорио Чавез (51) беше уапсен на почетокот на овој месец откако убил жена и нејзината ќерка. Осомничениот, кој беше под истрага за сексуални престапи, призна дека извршил двојно убиство.

Кога екипа за судска медицина изврши претрес во неговата куќа, биле откриени најмалку седум тела, од кои некои биле закопани една или две години.

Инцидентот го стави во фокусот прашањето за фемицид во земја со 6,7 милиони жители, со 70 инциденти од овој тип регистрирани минатата година. Во Салвадор биле забележани 111 убиства на жени во 2019 година, покажаа полициските податоци.

Насилството врз жените во Латинска Америка, вклучувајќи убиства, се влошило за време на пандемијата ковид-19.

Можете да прочитате

Шведска може на Украина да и продаде помеѓу 100 и 150 борбени авиони „Грипен“

Воена вежба на руските стратешки нуклеарни сили

Зеленски ја поддржа идејата на Трамп да разговара со Москва врз основа на моменталната линија на фронтот