Американската актерка Амбер Хард негираше на суд во вторникот дека имала афера со шефот на „Тесла“, Илон Маск, или некој друг, додека била во брак со холивудската sвезда Џони Деп.
34-годишната актерка сведочи во Високиот суд во Лондон во име на весникот „Сан“ чиј издавач и извршен уредник се тужени од поранешниот сопруг Деп за клевета во врска со статија од 2018 година, каде го нарекуваат тепач на сопругата.
„Јас го сакав Деп но бев преплашена од чудовиштето, неговото насилно алтер его кога е под дејство на алкохол или дрога,“ рече таа во судницата, додавајќи дека таквото чудовиште било трета страна во нивниот брак.
