Хеликоптер кој учествуваше во гаснењето на шумски пожар на грчкиот остров Самос денеска се урна во морето.
Три лица се водат како исчезнати, соопштија претставници од локалната противпожарна единица. Тие изјавија дека во тек е спасувачка операција, а во авионот имало четири лица, пренесува „Ројтерс“.
Официјален претставник на крајбрежната стража изјави дека едно лице е спасено.
Хеликоптерот е изнајмен од владата за гаснење шумски пожари, изјави претставник на грчкото Министерство за одбрана.