Утрински Весник
Свет

Хакери ги нападнаa компаниите коишто прават вакцини против коронавирус

Хакери ги нападнаa компаниите коишто прават вакцини против коронавирус

Министерството за правда на САД поднесе обвиненија против двајца кинески хакери кои, како што тврдат, ги нападнале компаниите кои развиваат вакцина против коронавирус. Тие се обвинети за кражба на стотици милиони долари интелектуална сопственост и трговски тајни од компании ширум светот.

Министерството исто така тврди дека хакерите соработувале со кинеската влада. Според федералните обвинители, тие ги украле информациите не само за лична корист, туку и затоа што знаеле дека ќе бидат интересни и вредни за кинеската влада, пренесува АП.

Во обвинението не се наведува дека тие успеале да соберат резултати од истражувањето на коронавирусот, но се укажува на количината на научни иновации кои биле цел на странските влади и хакери кои се обидуваат да откријат на што работат американските компании за време на пандемијата.

Двајцата обвинети не се во притвор, а федералните власти велат дека тие веројатно нема ни да влезат во американска судница.

Сепак, обвинението има важна симболичка вредност за Министерството за правда, кое смета дека јавното гонење е покорисно отколку да се чека неверојатно сценарио според кое обвинетиот би патувал во САД и со тоа би ризикувал да биде уапсен.

Се верува дека ова се први обвиненија против странски хакери за обид да украдат научни откритија поврзани со коронавирусот, иако американски и други западни разузнавачки агенции со месеци предупредуваат за такви напори.

Властите во САД, Канада и Велика Британија минатата недела обвинија група хакери поврзани со руските разузнавачки служби за напади врз организации и компании вклучени во истражување на коронирусот.

Извор: makfax.mk

Можете да прочитате

Зухри по атентатот врз Ханија: Хамас ќе води отворена војна за ослободување на Ерусалим

Русија, Иран и Турција го осудија нападот врз лидерот на Хамас: „Тоа ќе доведе до нова ескалација на тензиите“

Британската полиција соопшти дека 22 полицајци се повредени во немири во Саутпорт, по крвавиот напад врз деца во градот