Швајцарскиот фудбалер Ремо Фројлер е нов играч на Нотингем Форест, соопштија од англискиот клуб.
Фудбалерот од средниот ред од 2016 година го носеше дресот на Аталанта од Бергамо, со која во 2020 година стигна до четвртфиналето на Лигата на шампионите.
Фројлер неодамна ја обнови соработката со италијанскиот тим кој за трансферот ќе добие околу девет милиони евра.
За швајцарската репрезентација 30-годишниот Фројлер одиграл 46 натпревари, постигнал четири гола.
Нотингем Форест оваа сезона, по пауза од 23 години се врати во Премиер лигата.
Двократниот европски првак во првите две кола од Премиер лигата забележа пораз од Њукасл (2:0) и победа над Вест Хем (1:0).
