Светската фудбалска федерација (ФИФА) планира да ја прекине долгорочната соработка со „Електроникс Артс“, компанијата за производство на .-игри, која ја изработува екстремно популарната серија игри ФИФА.
Во објава на ФИФА, федерацијата потврди дека ќе го смени приодот кон електронските спортови и .-игрите, за фудбалските фанови да имаат поспецијализирано искуство.
„Гејмингот и е-спортовите се во огромен раст, со нов и различен тип на игри кои постојано излегуваат. Затоа е клучно ФИФА и членките на ФИФА да ги максимизираат своите можности во фудбалот и гејмингот“, се вели во објавата на ФИФА.
Тие додаваа дека почнале преговори со повеќе компании, со кои би се склучиле посебни договори и ЕА би ја загубила ексклузивната лиценца. Инаку, преговорите меѓу ЕА и ФИФА траеја подолго време без напредок.
> ФИФА ќе ја прекине соработката со „ЕА Спортс“ <
