Кошаркарите на Финикс Санс водат со 1:0 во полу-финалната серија против Денвер Нагетс. Финикс забележаа победа во првиот меч од 122:105.
Финикс, дуелот со Денвер го добија во втората половина од третата четвртина, кога се вратија од двоцифрениот минус (60:70) и поведоа со девет поени (88:79). Во последната четвртина, на таа предност додадоа уште девет поени. Од таков минус Денвер не може да се вратат.
Во периодот кога Финикс ја правеа разликата, успеаја целосно да го неутрализираат најдобриот играч на Денвер Никола Јокиќ.
Тимската игра им овозможи на Финикс да дојдат до победата, четворица играчи постигнаа 20+ поени: Мајкл Бриџис 23 поени, Девин Букер (21 поен и осум асистенции), Крис Пол (21, осум скока, 11 асистенции), Диандре Ејтон (20 поени, 10 скока).
Јокиќ го предводеше Денвер со 22 поени, девет скока, три асистенции и три блокади, Ерик Гордон постигна 18, а Мајкл Портер јуниор 15 поени.
Вториот меч од оваа серија ќе се одигра во четврток, домаќин повторно ќе биде Финикс.
> Финикс го запреа Јокиќ за предност од 1-0 во серијата против Денвер <
