Утрински Весник
Свет

„Фејсбук“ размислува за забрана за политичко рекламирање пред изборите во САД

„Фејсбук“ размислува за забрана за политичко рекламирање пред изборите во САД

Фејсбук размислува за забрана за политичко рекламирање на својата социјална мрежа пред претседателските избори во САД во ноември. Ова го тврдат луѓето запознаени со можностите во таа компанија, пренесува Ројтерс.

Како што е наведено, за усвојувањето на одлуката за забрана на политичко рекламирање сè уште се разговара.

„Забраната за политичко рекламирање би можела да помогне да се запре ширењето на лажни вести поврзани со изборите, од една страна, додека постои загриженост дека забраната за политичко рекламирање на Фејсбук би наштетила на компанијата и во исто време би ја ограничила можноста на кандидатите да одговорат на раширените вести и новите информации“, пренесува агенцијата.

Ова би било голема промена за Фејсбук, кој досега се придржуваше до политика на непроверување на фактите презентирани од политичарите или за време на нивната кампања.

Фејсбук е важна платформа за политичарите, особено во време кога многу луѓе остануваат дома, а класичните кампањи и собири претставуваат потенцијален ризик по здравјето заради пандемијата на Ковид-19.

Еден од поранешните директори на Фејсбук, Алекс Стамос, процени дека забраната за политичко рекламирање на таа социјална мрежа пред изборите во САД може да биде корисна за досегашниот претседател Доналд Трамп.

„Елиминирањето на политичкото рекламирање на мрежите ќе им користи само на оние што имаат пари и можност за рекламирање во медиуми“, рече Стамос на својот профил на Твитер.

Политичкото рекламирање е многу мал дел од бизнисот на Фејсбук. Во претходните 90 дена, Трамп и Бајден потрошија вкупно 29,2 милиони долари на рекламирање на социјалните мрежи, додека Фејсбук во последниот квартал имаше заработка од над 17 милијарди долари.

Извор: makfax.mk

Можете да прочитате

Нетанјаху одобри нова рунда преговори за примирје во Газа

Бројот на загинати во израелските воздушни напади над Сирија достигна 42

Нетанјаху не прифатил предлогот од шефот на Мосад за договор во Газа