Роџер Федерер, како што најавуваше, се повлече од Ролан Гарос по вчерашниот маратонски меч кој заврши во 40 минути по полноќ, решавајќи фокусот да го префрли на својот омилен тунрир, Вимблдон.
„По разговорите со мојот тим, решив да се повлечам од Ролан Гарос. По две операции на коленото и повеќе од една година рехабилитација, најважно е да го слушам моето тело и да не се обидувам со враќањето предвреме. Презадоволен сум што имав три меча зад мене, бидејќи нема подобро нешто од тоа да си на тенискиот терен. Се гледаме наскоро“, напиша Федерер на социјалните мрежи.
39-годишниот освојувач на 20 гренд слем титули го победи Германецот Доминик Кепфер во четири сета и требаше да игра со Италијанецот Матео Беретини во четвртото коло. Предвидено е тој да игра на подготвителниот турнир за Вимблдон во Хале, Германија од 14 јуни.
— Roger Federer (@rogerfederer) June 6, 2021
Зошто Ролан Гарос му приреди „тажна“ фарса на Роџер Федерер?
> Федерер, очекувано, се повлече од Ролан Гарос <
