Фудбалската асоцијација на Англија (ФА) објави дека селекторот Герет Саутгејт (51) го продолжил договорот до 2024 година. Саутгејт стана селектор на Англија пред пет години.
Саутгејт го предводеше „Гордиот албион“ до четвртото место на Светското првенство во Русија, третото место во првото издание на Лигата на нации и финалето на Европското првенство оваа година.
Според новиот договор тој ќе биде селектор до завршувањето на квалификацискиот циклус за пласман на Европското првенство што ќе се одржи во 2024 година.
Покрај Саутгејт, нов договор потпиша и неговиот помошник, Стив Холанд.
> ФА го продолжи договорот со Саутгејт <
