Утре претпладне по одделни котлини ќе има појава на магла и ниска облачност. Преку денот ќе биде умерено облачно со слаб до умерен ветер од југоисточен правец. Минималната температура ќе биде во интервал од -3 до 6, а максималната ќе достигне од 10 до 15 степени.
Во Скопје, претпладне со појава на магла и ниска облачност. Преку денот умерено облачно со слаб ветер од променлив правец. Минималната температура ќе се спушти до 2, а максималната ќе достигне 12 степени.
Според УХМР, до недела ќе се задржи стабилно време, претпладне по одделни котлини ќе има појава на магла и ниска облачност.
Во текот на ноќните часови на места ќе има разведрување и утринските температури ќе се спуштаат под нулата.
Во понеделник се очекуваат врнежи од дожд.
