Collectif Ultras Paris (ЦУП), една од највлијателните навивачки групи на Пари Сен-Жермен се јавија со соопштение во кое се незадоволни од водењето на супер-богатиот клуб, приодот кон пазарот на играчи, но и домашните разочарувачки резултати, како елиминацијата од Купот на Франција од Ница во понеделникот.
„Предолго овој клуб ни нуди поглед каков што веќе не можеме да го поддржуваме. Ова е клуб кој собира ѕвезди како разгалено дете, без да се грижи за спортските последици. Клубот сака да биде толку голем што се дава впечаток дека сезоната почнува во февруари во Лигата на шампионите без да се внимава на домашните трофеи. Веќе не го препознаваме овој клуб, и нашето трпение е на крај. Секогаш сме ја нуделе нашата цврста поддршка и покрај огромните разочарувања. Денеска алармираме! Тренери, играчи, време е да реагирате или ќе продолжиме да доживуваме неприфатливи разочарувања. Почитувајте не, почитувајте ги нашите бои“, се вели во објавата на ЦУП.
La victoire d’hier n’altère en rien notre colère !!!@PSG_inside pic.twitter.com/OYjkqAiX2x
— Collectif Ultras Paris (@Co_Ultras_Paris) February 7, 2022
> Ултрасите на ПСЖ се лути: Овој клуб собира ѕвезди како разгалено дете <
