Украинските медиуми денеска објавија дека украинските сили ја разнеле целата железничка инфраструктура што ја поврзува нивната земја со Русија.
Според прес-службата на Украинските железници железничката инфраструктура била уништена од украинската армија за да ги блокира руските железници да доставуваат опрема и персонал до руските војници.
Според украинскиот медиум Правда, Русите го контактирале централниот железнички штаб на Украина, барајќи од нив да воспостават врска за хуманитарни цели.
Локалните медиуми информираат дека потоа следела акција на украинската армија. Детали не беа објавени.
