Деведесет деца се убиени, а повеќе од стотина се ранети во Украина од почетокот на руската инвазија на 24 февруари, соопштија од канцеларијата на главниот украински обвинител, а пренесуваат „Скај њуз“ и Би-би-си.
И „Ројтерс“ ја пренесе оваа информација, но со напомена дека истата не е потврдена од независен извор.
ОН потврдија дека се убиени најмалку 1.663 цивили, но додадоа дека бројот веројатно е многу поголем.
Властите во Мариупол претходно објавија дека има околу 2.500 мртви.
Најголем број жртви има во Киев, Харков, Донецк, Чернигов, Суми, Херсон, Миколајив и регионот Житомир.
