На Јутјуб профилот на копнената армија на Украина е објавено анимирано видео во кое се исмејува руската армија.
На цртаниот филм се гледа група ракови во шлемови со украинско знаме и галеб со буквата „З“ кои се обидуваат да ги нападнат. Кога ќе нападнат, раковите се собираат и го одбиваат галебот кој останува поразен и лежи на земја.
Претходно денеска Генералштабот на вооружените сили на Украина објави нови податоци за наводните руски воени загуби.
Тие тврдат дека Русите изгубиле 17.000 војници од почетокот на инвазијата на 24 февруари до денес.
Тие додаваат дека нивните сили уништиле 586 руски тенкови, 1.694 оклопни борбени возила, 302 артилериски системи, 123 авиони, 127 хеликоптери, 54 противвоздушни системи и седум бродови.
