Според се уште непотврдени информации, во Украина е убиен уште еден руски полковник. Доколку се потврди, тоа ќе биде деветтиот руски полковник убиен во војната што започна пред 46 дена.
Полковник Александар Беспалов беше командант на 59-от тенковски полк на руската армија. Не е јасно каде и како е убиен, наведува Би-би-си.
Веста за неговата смрт беше објавена на онлајн огласна табла во рускиот град Озерск, каде се чини дека е погребан во петокот. Пораката оттогаш е избришана. Информации за смртта на Беспал објави и украинската армија.
The #Ukraine Armed Forces claim that they eliminated the next Russian top military officer – a commander of the elite Russian 59th tank regiment, Col. Alexandr Bespalov. pic.twitter.com/MuZp3F2Xwv
— Victor Kovalenko (@MrKovalenko) April 8, 2022
Украинскиот новинар Виктор Коваленко наведува дека Беспалов командувал со елитен тенковски полк.
Во објавата која и се припишува на сестрата на Беспал се вели дека „невозможно е да се опише со зборови болката од губењето на саканата личност“.
Информациите за смртта на Беспал се уште не се независно потврдени.
