Индиските безбедносни сили убиле шест милитанти во Кашмир во изминатите 24 часа, додека екстремисти убиле телевизиски новинар и еден полицаец, соопштија денеска локалните власти.
Судот во Њу Делхи вчера го осуди сепаратистичкиот лидер на Кашмир, Јасин Малик, на доживотен затвор за финансирање „терористички“ активности и други злосторства, објави „Ројтерс“.
Продавниците и фирмите во Кашмир останаа затворени втор ден по ред поради протестите поради пресудата, додека полицијата приведе 10 лица бидејќи фрлале камења и извикувале разни пароли пред домот на Малик.
Индија и Пакистан држат делови од Кашмир и ја сметаат територијата за своја.