Шведската полиција уапси тинејџер осомничен дека вчера убил едно лице, а ранил друго во пукотница во трговски центар во Малме.
Повредениот од здобиените повреди починал, додека жената е хоспитализирана, соопшти полицијата.
„Нема непосредна опасност за граѓаните. Во овој момент се смета дека инцидентот е поврзан со криминалното милје“, се наведува во полицискиот извештај.
Пресметка на криминални кланови?
Полицијата ги испрашала сведоците на местото на настанот и го прегледала снимениот материјал од надзорните камери.
Полицијата оценува дека нападот бил „изолиран инцидент поврзан со криминалното милје“ и го елиминирала мотивот за тероризам.
Убиствата во судирите меѓу кланови и банди неодамна се во пораст во Шведска и стануваат една од главните грижи на гласачите пред претстојните избори. Годинава во Шведска се убиени 44 лица, а речиси сите се поврзани со криминал, соопшти полицијата. Минатата година во Шведска имаше 46 убиства.
Претставници на полицијата и градските власти во Малме претпладнево ќе одржат прес-конференција.