Тренерот на Челси, Томас Тухел во интервју за „Sportweek“, неделник на италијанска „La Gazzette dello Sport“ раскажа за периодот додека беше на клупата на ПСЖ пред да дојде во Челси и да се качи на „покривот на Европа“.
Вели дека сега во Лондон му е многу полесно да менаџира со екипата за разлика од Париз.
„Многу е полесно да го водиш Лукаку, отколку Нејмар и Мбапе. Челси и ПСЖ се два различни клубови. Се е поинаку, почнувајќи од организацијата. Во ПСЖ се чувствував како министер за спорт. Таму освен за тактиката и за своите играчи, морав да се грижам за нивните семејства, но и за пријателите на играчите. Во Челси имам повеќе мир, само работам“ вели Тухел.
Германецот досега на клупата на „сините“ помина 43 натпревари со учинок од 29 победи, 7 нерешени и 7 порази.
Челси моментно е лидер во Премиерлигата со бод повеќе пред Ливерпул и два пред Манчестер Сити.
> Тухел: Полесно е да го водиш Лукаку, отколку Нејмар и Мбапе <
