Турција наскоро би можела официјално да дозволи тестирање на новата руска вакцина против коронавирусот, објави турскиот министер за здравство Фахретин Коца.
„Добивме одговори на нашите прашања во врска со вакцината што се развива во Русија. Ја проверивме добиената документација и наскоро дозволата ќе биде издадена“, рече Коца, пренесува ТАСС.
Русија на 11 август објави дека е прва во светот што ја регистрирала вакцината против Ковид-19, што беше развиена во Националниот научен истражувачки центар за епидемиологија и микробиологија „Гамалеј“.
Клиенти од 20 земји веќе нарачале вкупно една милијарда дози на руската вакцина наречена „Спутник 5“.
