Публика од околу стотина луѓе, вечерва од неколку бродови и едрилици во Охридското Езеро го проследи концертот на охридскиот бенд „Камелеон“.
Организаторите најавија дека концертот ќе се одржи согласно сите важечки протоколи за одржување на јавни настани, но сепак луѓето во публиката не го одржуваат препорачаното растојание меѓу нив, и речиси едвај може да се види некој кој носи заштитна маска.
Граѓаните коментираат дека се збунети од постојаното менување на правилата против ширењето на Ковид-19 и повеќе не знаат дали постапуваат правилно или погрешно кога присуствуваат на ваквите настани.
Членовите на охрискиот бенд „Камелеон“ слават 20 години од постоењето на бендот. Тие настанот го најавија како „концерт на вода“.
